Barcelonë, 10 prill - Mesfushori i Barcelonës Xavi ka mbetur i frustruar me mos finalizimin e mundësive për shënim nga skuadra e tij, përderisa Atletico Madrid arriti që të eliminoi katalunasit nga çerekfinalja e Lugës së Kampionëve duke i mposhtur ata me rezultat 1-0 (2-1) të mërkurën.

Xavi mendon që Barca kurrë nuk ka luajtur kështu me një efikasitet aq të dobët para golit dhe beson që skuadra e tij së paku u desh të shënoi për të siguruar vazhdimet në këtë ndeshje.

“Nuk e di nëse Atletico e ka merituar fitoren”, citohet të këtë thënë ai për Uefa.com pas ndeshjes.

“Ne kemi pasur disa mundësi që të barazojmë, kanë qenë katër apo pesë shansa ku mund të shënonim. Mendoj që ne e merituam barazimin dhe vazhdimet në këtë ndeshje”, tha ai.