Londër, 15 dhjetor - Menaxheri i Arsenalit, Arsene Wenger, thotë se rikthimi në fushë i Olivier Giroud u ka dhënë energji të gjithë lojtarëve të tjerë.

“Nuk është vetëm si lojtar, por është diçka edhe në mentalitetin e tij. Ai është një djalosh aq pozitiv. Madje edhe kur e huq, njerëzit ia falin. Ai ka pasur një ndikim pozitiv mental si edhe ndikim fizik”.

“Ai është si një sulmues anglez. Goli i tij i parë ishte gol tipik i viteve 1970-ta. Më pëlqen pasi këtë e shihni më pak tash”.

“Ai u jep opsione të ndryshme pasi ju mund të shkoni për topa më të gjatë. Ne kemi shumë lojtarë që mund të shkojnë shkurt dhe ai na jep laramani në lojën tonë”.

“Ai nuk ishte në formën më të mirë ndaj Stoke dhe ai kishte diçka për të treguar ndaj Newcastle dhe ai u përgjigj mirë”, ka thënë Wenger.