Madrid, 14 korrik - Victor Valdes mund të rikthehet në La Liga, dhe atë të kundërshtari më i madh i ish skuadrës së tij, Real Madridi.

Ky është lajmi i mbrëmjes në mediat spanjolle, që raportojnë për një transferim të Valdesit në Santiago Bernabeu.

Valdes u la jashtë skuadrës së Manchester United për turin përgatitor për sezonin e ri, dhe kjo lë të kuptohet se spanjolli tani duhet të mendoj për aventurat e reja.

E Valdesin me Realin, mund ta afroj përfaqësuesi i tij, Gines Carvajal, që ka marrëdhënie të mira me presidentin Florentino Perez, të cilit edhe ia ka ofruar klientin e tij.

Në Bernabeu, Valdes mund të zëvendësojë Iker Casillasin, që është transferuar te Porto.