Verona, 31 dhjetor - Rritet lista e skuadrave që dëshirojnë Emir Lenjani-n. Përveç ekipeve gjermane të Stuttgart-it, Koln-it dhe Eintracht Frankfurt, mediat italiane shkruajnë edhe për një interesim të Hellas Verona-s.

Largimi i lojtarit të Kombëtares Shqiptare nga St. Gallen është thuajse i sigurt, për shkak se 24-vjeçari ka humbur vendin e titullarit dhe nuk ka marrëdhënie të mira me klubin.

Po sipas shtypit italian, Drejtori Sportiv i Verona-s, Sogliano ka nisur bisedimet me klubin helvet për transferimin e Lenjani-t që në merkaton e Janarit.