Prishtinë, 12 qershor - Kampionet e sivjetme në Supërligën e volejbollit të Kosovës –konkurrenca e femrave, janë Klubi Volejbollistik Universiteti AAB, pasi që në finalën e sotme që u zhvillua në Pallatin e Rinisë në Prishtinë, mposhtën Klubin Volejbollistik Drita nga Gjilanime rezultat 3:2 në sete.

Setin e parë, vashat e Universitetit AAB e fituan me rezultat 25:18. Volejbollistet e Dritës rikthyen lojën duke fituar setin e dytë të ndeshjes me rezultat 25:18 dhe duke barazuar rezultatin 1:1 në sete. Po ashtu edhe seti i trëtë u takoi volëjbollisteve gjilanase, të cilin e fituan me rezulatat prej 25:22, kështu ato ngritën epërsinë në 2:1 në sete.

Vashat e Universitetit AAB u rikthyen në lojë, duke fituar dy sete radhazi, atë të katërtin me rezultat 25:20, dhe setin e pestë me rezultat 15:10.

Me këtë rezultat, Volejbollistet e Universitetit AAB siguruan titullin e kampionit të sivjetmë, duke e mposhtur kampionin e vitit të kaluar, klubin më të përgatitur këtë sezon, atë të Dritës së Gjilanit. /KNN