Barcelonë, 27 mars - Victor Valdes ka pësuar një lëndim të rëndë në gjurin e djathtë gjatë ndeshjes ndaj Celta Vigos.

Dyshohet se portieri i Barcelonës ka humbur pjesën tjetër të sezonit dhe Kampionatin botëror. Valdes këputi ligamentet e gjurit pas një kontakti që u duk i lehtë.

Valdes do të ketë ndërhyrje kirurgjike dhe sipas informacioneve të para ai do të jetë së paku 6 muaj jashtë fushe. Valdes edhe ashtu kishte paralajmëruar largimin nga Barcelona, ndërsa sipas të gjitha gjasave largimi i tij do të jetë pa lamtumirën e fundit.