Manchester, 5 prill - Manchester United pa Rooneyn kundër BayernitShpresat e Manchester United që të eliminojë kampionin e Ligës së Kampionëve, Bayern Munich janë zbehur shumë pasi për ndeshjen kthyese pritet të mungojë edhe sulmuesi anglez Wayne Rooney.

Sulmuesi 28-vjeçar pësoi një lëndim në gisht gjatë ndeshjes së parë në Old Trafford dhe pritet të bëjë disa teste mjekësore për të parë nëse ka pësuar ndonjë frakturë.

Ai do të mungojë për ndeshjen e sotme kundër Newcastlet në Premier Ligë dhe tani është në një betejë kundër kohës që të jetë i gatshëm për të mërkurën.

“Do të presim se çka do të ndodhë me Waynen për të mërkurën”, ka thënë David Moyes, i cili tashmë do të udhëtojë në Gjermani pa Robin van Persien. “Ai ka lënduar njërin gisht dhe nuk është e lehtë”.