Manchester, 10 dhjetor - Edhe pse menaxheri i Manchester Unitedit, Louis van Gaal, ka thënë se nuk planifikon të sjellë përforcime gjatë afatit kalimtar të janarit, në mediat britanike vazhdojnë të qarkullojnë njoftime se gjiganti anglez do të vazhdojë me blerje të reja.

Sipas tabloidit “Daily Express”, Manchester United është i gatshëm të paguajë 30 milionë euro për transferimin e yllit të Bayern Munichut, Arjen Robben.

Van Gaal synon t’i shfrytëzojë raportet e tij të mira me Robbenin për ta transferuar reprezentuesin holandez në Old Trafford, në janar të vitit të ardhshëm, ose në fund të sezonit.