Manchester, 14 shtator - Manchester United e kishte bërë një ofertë marramendëse për Thomas Mullerin. Sipas medieve gjermane, “Djajtë e Kuq” i kishin ofruar 120 milionë euro për sulmuesin e Bayern Munichut gjatë afatit kalimtar të verës.

Lajmin e ka konfirmuar magazina gjermane “Kicker”, sipas së cilës United insistonte për përfaqësuesin gjerman, pasi e kishte transferuar tashmë mesfushorin e gjigantit bavarez, Bastian Schweinsteiger.

Ndër të tjera, gjiganti britanik ishte i gatshëm ta paguante Mullerin plot 175 mijë funte në javë, vetëm për ta bindur që të transferohej në “Old Trafford”. Mirëpo, Bayerni vendosi ta mbante lojtarin në “Allianz Arena”.