Manchester, 17 dhjetor - Trajneri i Manchester Unitedit, Louis van Gaal, raportohet se është duke kërkuar mesfushorin e Barcelonës, Ivan Rakiticin.

26-vjeçari iu bashkua skuadrës së Luis Enriques për 14 milionë funte gjatë verës, por ka dështuar të sigurojë vend në 11-shen bazë të ekipit katalon.

Skuadra nga Old Traffordi mësohet se është duke ofruar 20 milionë funte për kroatin.

Van Gaal konkurrent për shërbimet e Rakiticit e ka Manchester Cityn, që është duke kërkuar me ngulm dhe që një kohë të gjatë shërbimet e ish-mesfushorit të Sevillas.

Rakitic ka shënuar katër gola në 20 paraqitje për Barcelonën.