Manchester, 25 prill - Udhëheqësit e Manchester Unitedit janë duke planifikuar që ta mbajnë gjatë në skuadër portierin David De Gea.

Unitedit ka bërë gati një ofertë të majme për reprezentuesin e Spanjës, i cili po kërkohet nga Real Madridi.

Sipas tabloidit britanik, Daily Star, United i ka ofruar De Geas një pagë prej 200 mijë funteve në javë (280 mijë euro).

De Gea ka kontratë me Unitedin deri në verën e vitit 2016, por deri më tani nuk ka nisur negociatat për vazhdimin e saj.

Kurse, Real Madridi po bënë përpjekje që ish portierin e Atleticos ta transferoj në Stantiago Bernabeu. De Gea shihet si pasardhës i Iker Casillasit.