Madrid, 14 janar - Gareth Bale duket i lodhur nga kritikat e tifozëve të Real Madrid dhe kjo situatë ka ndikuar në vendimin e tij për të menduar një largim të mundshëm nga \"Los Blancos\" në fund të këtij sezoni. 

Sipas mediave spanjolle, Manchester United dëshirojnë të derdhin plot 150 milionë euro në arkën e klubit mbretëror për ta rikthyer ish sulmuesin e Tottenhamit në kampionatin ishullor.

Marrëveshja mund të finalizohet në fund të këtij sezoni pasi Carlo Ancelotti nuk ka ndëremend të heqë dorë nga sulmuesi në mesin e një sezoni shumë të ngjeshur ku Reali i Madridit është në garë për të treja kompeticionet.

Gjithsesi, fjalën e fundit mund ta thotë vetë trajneri italian, i cili nuk ka mbajtur ende asnjë qëndrim rreth kësaj çështjeje.