Londër, 7 nëntor - Mesfushori i Real Madridit, Luka Modriç ka zbuluar se më herët interesim për të kishin shprehur Chelsea, PSG dhe Manchester United.

Në një intervistë me për të përditshmen sportive italiane ‘Gazzetta dello Sport’ kroati ka bërë të ditur se Carlo Ancelotti e kishte kërkuar kur ishte në Chelsea dhe PSG.

Por, ish lojtari i Dinamo Zagrevit ka thënë se edhe ish menaxheri i Manchester Unitedit, Alex Ferguson ka bërë përpjekje ta transferoj në ‘Old Trafford’.

“Ancelotti më donte mua. Një vit më parë në PSG-së dhe në vitin 2011 në Chelsea. Por, pastaj në Tottenham erdhi Andre Villas-Boas dhe nuk më lejoi të shkoj. Gjithashtu edhe United kishte shprehur interesim për mua”, ka thënë Mordiç, i cili ka kontratë me Real Madridin deri në vitin 2017.