Gjenevë, 23 tetor - UEFA shtyn me një ditë vendimin për dënimet e dy skuadrave kombëtare Serbi-Shqipëri, pas incidentit në stadiumin e Beogradit, lajmi konfirmohet nga Presidenti i FSHF-s, Armando Duka.

UEFA ka nisur prej një jave pistat e hetimeve, që ngarkon me shkelje të dyja federatat e futbollit.

Mediet serbe njoftuan më herët  se vendimi i UEFA-s do jepet më 24 tetor dhe jo ditën e sotme, siç ishte parashikuar nga vetë ajo.

“Komisioni prej tre anëtarësh i UEFA-s caktoi ditën e enjten për të vendosur mbi incidentin në ndeshjen Serbi-Shqipëri, por për shkak të dokumentave voluminoze vendimi përfundimtar u shty. Komisioni Disiplinor ka marrë dëshmi të mjaftueshme nga të dyja delegacionet, për këtë UEFA nuk do të nxitojë”, shkruan “Kurir”.

Në Komisionin e Kontrollit dhe të Disiplinës së UEFA-s përfshihet Presidenti Tomas Partl (Austri) dhe anëtarët Jacques Antenen (Zvicër), Sandor Stock Exchange (Hungari), Thomas Hea (Andorra), Jim STJERNE Hansen (Danimarkë), Hans Lorenz (Gjermani), Rudolf Repka (Republika Çeke), James Shaw (Irlanda e Veriut) dhe Joel Wolff (Luksemburg).

Vendimi i shumëpritur për të dyja federatat dhe tifozët e tyre, pas njoftimit do të jepet ditën e nesërme.