Barcelonë, 6 mars - Ish lojtari i Barcelonës ka deklaruar se “Të Bardhtë” kurrë nuk kanë qenë në mendjen e tij sepse ai kishte dashuri vetëm për “Blaugranët”.

Yaya Toure ka thënë se nuk do të bashkohej me Real Madridin dhe se Katalunia është vendi ku zemra e tij rrahë.

“Unë jam fans i Barçës dhe nuk planifikoj të shkoj në Real”, tha ai për një radio të Katalunisë.

Para ndeshjes së kthimit në të 16-tën e Ligës së Kampionëve më 12 mars, Toure bëri me dije se nuk do të festojë po që se realizon gol kundër Barcelonës, ku i kaloi tre vite para se të transferohej te “qytetarët”

“Nuk do të mundja për shkak të respektit. Njerëzit atje gjithmonë më përkrahin shumë, nuk mund ta bëj atë. Unë mund të jem vetëm falënderues sepse në Barcelonë mësova si të fitoj. Është normale se ishim të dëshpëruar, por skuadra duhet të mendojë pozitivisht”, tha Toure për humbjen në raundin e parë.

“Nëse kundërshtari luan më mirë, duhet pranuar. Barça ishte më e mirë dhe më atë ata merituan fitoren”.