Londër, 18 shtator - Skuadra e Tottenhamit po e përgatit ofertën për shërbimet e sulmuesit të Milanit, Stephan El Shaarawy, shkruan të martën "Daily Mail".

Bëhet e ditur se Tottenhami është i gatshëm të paguajë një dëmshpërblim prej 25 milionë eurosh për transferimin e El Shaarawyt në miniafatin kalimtar të janarit.

Italiani 20-vjeçar ka kontratë me Milanin deri në vitin 2018, por kohët e fundit ka humbur vendin e titullarit.

"Ne jemi të interesuar për El Shaarawyn për shkak se është një sulmues i ri dhe shumë i talentuar. Do të shohim si do të shkojnë gjërat deri në fund të këtij viti", është shprehur trajneri i Tottenhamit, portugezi Andre Villas-Boas.