Londër, 8 tetor - E ardhmja e Andrea Pirlos, kontrata e të cilit skadon verën e ardhshme, duket gjithmonë e më shumë larg Italisë.

Sipas asaj që shkruan \"Daily Mail\", dy skuadrat më të interesuara për shërbimet e fantazistit italian janë Tottenham dhe Real Madrid.

\"Los Blancos\" mund të përdorin raportin e mirë të teknikut Carlo Ancelottin me lojtarin që është në kërkim të një skuadre që i ofron fanellën e titullarit.

Ditët e shkuara është folur edhe për një takim mes Pirlos dhe Tottenham, por \"Gjelat\" nuk janë skuadra e vetme londineze që interesohet për të, në garë është edhe Arsenali i Arsene Wenger.