Madrid, 28 dhjetor - Zgjidhet perfundimisht intriga Alessio Cerci dhe tashmë po plotësohen të gjitha pjesëzat e mozaikut që con italianin te Milani duke rikthyer në Madrid, te Atletiko Fernando Torres.

Cerci dha miratimin për tu transferuar te kuqezinjtë që nga Maldivet ku po kalon pushimet e Krishtlindjeve, Cerci i tha po Gallianit duke zhbllokuar në këtë mënyrë edhe kalimin e Fernando Torres te Atletiko e Madridit.

Milani në fakt orët e mbrëmjes së të shtunës bleu përfundimisht spanjollin nga Chelsea për ta xhiruar më pas te Los Colchoneros.

Për zyrtarizimin duhet pritur 5 janarin, kur edhe hapet zyrtarisht merkato. kur Milani do të zotërojë kartonin e spanjollit nga Chelsea për ta kaluar më pas te Atletiko e Madridit duke depozituar edhe kontratën.

Për të kryer një veprim të tillë Milani kishte nevojë të ndryshonte formulën e transferimit pas huazimit që ishte sigluar në verë, dhe Chelsea në fakt në mbrëmjen e së shtunës zyrtarizoi blerjen përfundimtare të Torres nga ana e Milanit duke specifikuar gjithsesi se duhet pritur 5 janari.

Pak më vonë gjithmonë me përmendjen e datës 5 janar erdhi dhe komunikata e Milanit, por Cerci në fakt do të bashkohet me kuqezinjtë para hapjes së merkatos pasi do të kryejë vizitat mjekësore dhe do të fillojë stërvitjen nën urdhërat e Filippo Inzaghit.

Cerci do ti mbyllë para kohe pushimet për të fluturuar në Dubai bashkë me shokët e rinj kuqezi, ndërsa sulmuesi spanjoll Fernando Torres do të rikthehet pas 7 vitesh në klubin e tij të vjetër.