Munich, 20 shkurt - Thomas Muller i pakënaqur si zëvendësues Thomas Muller thotë se ai “nuk është “i lumtur” që qëndron në karrigen e rezervave te Bayern Munich.

Mesfushori gjerman u inkuadrua si zëvendësues në takimin e mbrëmshëm ndaj Arsenalit dhe shënoi golin e dytë të bavarezëve.

Por, edhe pse është i pakënaqur që nuk është startues, ai thotë se respekton vendimet e trajnerit.“Nuk u befasova që nuk startova. Pep dhe unë flasim me njëri-tjetrin andaj e dija se kjo nuk do të ndodhë”.

“Sigurisht nuk jam i kënaqur me këtë. Por ai e di dhe është i vetëdijshëm se unë jam një lojtar krejtësisht ekipor”.

“Ndeshja zgjati më shumë se 60 minuta dhe unë jam i lumtur që munda të futem dhe të ndihmoj skuadrën”, ka thënë 24-vjeçari gjerman për Sky.