Buenos Aires, 14 maj - Carlos Tevez është lënë jashtë skuadrës paraprake të Argjentinës për Kampionatin Botëror 2014.

Përzgjedhësi Alejandro Sabella e ka lënë jashtë skuadre sulmuesin e Juventusit, përkundër formës së mirë që ka kaluar këtë sezon.

30-vjeçari për herë të fundit ka luajtur për kombëtaren në vitin 2011, ndërsa qëkur është caktuar Sabella trajner, ai nuk është ftuar asnjëherë.

Franco Di Santo dhe Rodrigo Palacio janë përfshirë krahas kapitenit Lionel Messi në sulm, ndërsa e befasishme është ftesa që i është bërë të huazuarit te Atletico Madridi, Jose Sosa.

Skuadra e plotë

Portierë: Sergio Romero, Mariano Andujar, Agustin Orionu.

Mbrojtës: Ezequiel Garay, Federico Fernandez, Pablo Zabaleta, Marcos Rojo, Jose Maria Basanta, Hugo Campagaro, Nicolas Otamendi, Martin Demichelis, Gabriel Mercado, Lisandro Lopez.

Mesfushorë: Fernando Gago, Lucas Biglia, Javier Mascherano, Ever Banega, Angel Di Maria, Maximiliano Rodriguez, Ricardo Alvarez, Augusto Fernandez, Enzo Perez, Jose Sosa, Fabian Rinaudo.

Sulmues: Sergio Aguero, Lionel Messi, Gonzalo Higuain, Ezequiel Lavezzi, Rodrigo Palacio, Franco Di Santo.