Torino, 17 qershor - Në shtëpinë e Juventusit duket se ka marr fund telenovela Carlos Tevez.

Beppe Marotta pret një përgjigje përfundimtare brenda fundit të kësaj jave dhe në Torino është programuar një takim me menaxherin e “Apache”.

Tevez duket se, të hënën, është takuar në Kili me presidentin e Boca Juniors, Angelici, dhe ka gjetur një marrëveshje prej 3 vitesh.

Në këtë pikë, Boca pret që Juventusi ta lërë të lirë të largohet Tevezin pa kërkuar dëmshpërblime, pengesë që mund të shmanget me transferimin te bardhezinjtë të një lojtari të ri të Bocas.

Për ta zëvendësuar një alternativë është Mandzukic. Por po ndiqen me vëmendje edhe zhvillimet e çështjes Ibra-PSG-Milan. Sepse në krye të listës së dëshirave të torinezëve është gjithmonë Edinson Cavani. Por gjithçka do të varet nga ajo që do të bëjë Ibra