Munhen, 22 dhjetor -  Futbollisti Xherdan Shaqiri mund të vlerësohet si lojtari shqiptar më i suksesshëm në histori të futbollit, pasi ka fituar shumë trofe me skuadrën e Bayern Munchen.

Natyrisht, ai nuk ka qenë pjesë thelbësore e Bayernit, ama luan tek ekipi më i mirë që Bayerni ka pasur ndonjëherë. Këtë e ka deklaruar ish-lojtari i Bayernit, Mehmet Scholl.

“Viti më i suksesshëm në histori i Bayernit. Më mirë se kaq nuk ka ku të vejë”, ka thënë Scholl.

“Pesë tituj për një vjet!!!. Faleminderit nga zemra të gjithëve për mbështetje që dhanë që unë të jem këtu”, kështu ka shkruar futbollisti më prejardhje nga Gjilani, i cili me Bayernin ka fituar Bundesligën, Kupën e Gjermanisë, Ligën e kampionëve, Superkupën e Evropës dhe Kupën e Botës.