Milano, 22 janar - Skuadra e Interit ka shënuar fitore 2:0 kundër Sampdorias, ndërsa golin e parë e shënoi Xherdan Shaqiri.

Interi me këtë fitore shkon në çerekfinalen e Kupës së Italisë.

Shaqiri ka shënuar në minutën e 71 pas një loje të shkëlqyer. Goli i tij ka ngritur tifozët zikaltër në San Siro.  Epërsinë e dyfishoi në minutën e 87, Icardi me një gol të shkëqyer.

Sulmuesi i Interit, Maurito Icardi, menjëherë pas ndeshjes që cilën skuadra zikaltër e fitoi ndaj Samdorias me rezultat 2:0 në Kupën e Italisë, ka lavdëruar Xherdan Shaqirin dhe Lukas Podolskin.

Icardi që së bashku me Shaqirin shënuan golat për Interin, dy përforcimet e neroazureve, i quajti kampion të mëdhenj.

“Shaqiri e Podolski? Janë kampion të mëdhenj, me ta shpresojmë të arrijmë sa më larg që është e mundur”, ishin fjalët e Icardit menjëherë pas takimit.