Milano, 23 qershor - Clarence Seedorf është i gatshëm që ta dërgojë Milanin në gjykatë për të kërkuar dëmshpërblim për shkarkimin e tij.

Holandezi u shkarkua nga posti i trajnerit të Rossonerëve dhe në vend të tij është angazhuar Pippo Inzaghi.

38-vjeçari ndihet i tradhtuar për mënyrën si ka vepruar klubi, pasi njoftimi për shkarkimin i kishte shkuar me postë elektronike.

Gazzetta dello Sport njofton se Seedorf pos që kërkon t’i paguhet rroga deri në vitin 2016, sipas kontratës, ai kërkon edhe dëmshpërblime të tjera.

Ish-mesfushori i Milanit është i gatshëm të luftojë në gjykatë dhe është duke angazhuar një ekip të fortë avokatësh