Berlin, 30 gusht - Skuadra gjermane Schalke 04, po synon të bëjë një blerje të madhe pas kualifikimit për në fazën e grupeve të Ligës së Kampioneve.

Pas rezultateve të mira që i dha Raul Gonzalez, klubi gjerman po mendon për një tjetër yll veteran të futbollit.

Sipas ‘Bild’, skuadra e drejtuar nga Jens Keller kërkon të kthejë në futbollin evropian brazilianin Ronaldinho, të cilit i përfundon kontrata me Atletico Mineiro në dhjetor të këtij viti.

Ish-futbollisti i Barcelonës dhe Milanit kërkon të luajë në Kampionatin botëror ‘Brazili 2014’, dhe tek Schalke 04 mundësitë e tij për tu ftuar nga përfaqësuesja braziliane do të shtoheshin.