Londër, 12 dhjetor - Manchester United i tij rënditet i nënti këtë sezon të Premier Leagues, por ylli Wayne Rooney është në majë të listës së futbollistëve anglezë më të pasur.

Top 10 që përbëhet edhe nga emra të tjerë të njohur si Rio Ferdinand, John Terry, Steven Gerrard apo edhe Frank Lampard, e sheh bomberin e \"Djajve të Kuq\" në vend të parë me 45 milionë sterlina të ardhura neto në vit, ku një pjesë e mirë e të ardhurave vijnë nga reklama e Nike dhe sponsorë të ndryshëm.

Rooney, 28 vjeç, ka një rrogë prej 250 mijë sterlinash në javë me Manchester United, por surpriza e këtij Top 10 janë lojtarë si Ashley Young apo James Milner.