Madrid, 30 maj - Superylli i Real Madridi, Cristiano Ronaldo, ka bërë një koment interesant rreth jetës së tij personale.

Portugezi deklaroi se nuk e di saktë se sa para ka në xhirollogaritë bankare, duke bërë me dije se paraja nuk është gjithçka për të.

“Unë nuk e di se sa para kam. Nuk është paraja ajo që më lëviz”, ka thënë Ronaldo, përcjell Mirror.

“Është e vërtet se në fillim ishte ashtu, kur nuk kisha asgjë. Atëherë unë doja të kisha para për vete dhe familjen, sepse u rrita pa asgjë, ne ishim shumë të varfër. Ne nuk kishim lodra ose dhurata për Krishtlindje” , shtoi tutje ylli i Real Madridit.

Ky i fundit fiton mbi 300 mijë euro në javë te Reali, teksa ka edhe kontrata milionëshe reklamimi me shumë kompani botërore.