Madrid, 21 maj - Ylli i Real Madridit, Cristiano Ronaldo, duke folur për televizionin e Realit, tha se ndihet shumë mirë dhe do të jetë i gatshëm për finalen e Champions League.

Real Madrid të shtunën që vjen në Lisbonë do të përballet me rivalin lokal, Atletico Madridin në finalen e madh të Championsit, sfidë kjo që për herë të parë në historinë e kësaj ligë ballafaqohen në finale dy skuadra nga i njëjti qytet.

Asi portugez e ka bërë të qartë se do të jetë 100 përqind në formë në ballafaqim me Atleticon.

Askush nuk do që të humbasë një finale si kjo. Kemi dy vite që e kërkojmë dhe e presim me padurim. Nëse nuk ma lejon fiziku, nuk shembet bota. Por, mendoj se do të luaj. Kam shumë besim se do të luaj, ka thënë Ronaldo.

Stërvitemi gjithë vitin për të luajtur një ndeshje si kjo. Pres që të japim maksimumin dhe që të na mbështesin jo vetëm tifozët tanë, por edhe portugezët. Fitorja e kampionatit i ka bërë mirë. Janë të lumtur dhe me moral të lartë, por finalja është tjetër çështje. Është një nd eshje 50 me 50, por unë jam i bindur që do të fitojmë, ka theksuar sulmuesi portugez.

Lojtari më i mirë në rruzullin tokësore është i bindur se Real Madrid do ta fitojë trofeun e Champions League-s, e që do të ishte i dhjeti në historinë e klubit ‘mbretëror’