Madrid, 28 janar - Cristiano Ronaldo është barazuar me yllin e Liverpool, Luis Suarez në rangimin e Këpucës së Artë evropiane pas golit të tij të fundit në fitoren e Real Madrid 2-0 ndaj Granadas të shtunën.

Ylli portugez dhe rivali i tij nga Premier League që të dy deri më tani e kanë gjetur golin nga 22 herë në ligat e tyre përkatëse dhe kanë një epërsi prej tri golash ndaj vendit të tretë, Diego Costa, i cili nuk ia doli të shënonte në fitoren e Atletico Madrid 4-2 ndaj Rayo Vallecano, raporton Koha.net.

Ndërkaq, sulmuesi i Heerenveen, Alfred Finnbogason u ngjit në vendin e katërt pasi shënoi golin e 19-të në këtë sezon në humbjen 3-1 ndaj Cambuur.

Asnjë lojtar tjetër i top 10-ëshit nuk arriti të shënonte këtë fundjavë, por lojtarë si Domenico Berardi, Alexis Sanchez dhe Pedro, që të gjithë shënuan dhe janë vetëm një gol më pak për tu inkuadruar në top dhjetëshen.