Madrid, 12 mars - Portieri spanjoll, Pepe Reina, ka bërë të ditur se dëshiron që karrierën ta vazhdojë në MLS të SHBA-së, njoftojnë të hënën mediumet italiane.

Reina aktualisht është i huazuar te Napoli nga skuadra e Liverpoolit.

Ai me skuadrën angleze ka kontratë deri në vitin 2015. \"Dua të provoj diçka të re dhe MLS më tërheq shumë. Besoj se mund të luaj në nivele të larta edhe për disa vjet dhe për këtë arsye kam vënë në shënjestër të luaj në SHBA.

Jam i lumtur me karrierën time deri më tash\", ka deklaruar Reina 31-vjeçar. Ai është pjesë e Përfaqësueses së Spanjës dhe pritet të udhëtojë në Kampionatin Botëror \"Brazili 2014\".