Madrid, 31 maj - Reali ofron 73 mln euro për Agueron Real Madrid ka ofruar 73 milionë euro për Sergio Agueron. Sipas ‘Daily Star’, madrilenët kanë hedhur sytë nga sulmuesi argjentinas pasi e kanë kuptuar që blerja e Luis Suarezit të Liverpulit është thuajse e pamundur.

Aguero ka qenë një nga lojtarët më të mirë të Manchester City në tre sezonet e fundit, 2 prej të cilave kanë përfunduar me shpalljen kampion të kësaj skuadre.

Gjithashtu, argjentinasi është një dëshirë e vjetër e presidentit të Realit Florentino Perez, që kur ai luante për Atletico Madrid.