New York, 17 korrik - Klubi spanjoll i futbollit, Real Madrid, ka dalë në krye të listës vjetore të revistës Forbes si ekipi më i vlefshëm.

Klubi, i cili ka fituar Ligën e Kampionëve në muajin maj, kap vlerën e 3.44 miliardë dollarëve, thotë Forbes.

Tre vendet e para të ekipeve më të vlefshme sportive, sipas Forbes, mbushen nga klubet e futbollit, përkatësisht me Barcelonën në vend të dytë (3.2 miliardë dollarë) dhe me Manchester United në vend të tretë (2.81 miliardë dollarë).

Forbes llogarit vlerën e ekipeve në bazë të kapitalit, borxhit dhe marrëveshjeve.