Madrid, 12 korrik - Iker Casillas përfundimisht është larguar nga Real Madridi për të kaluar te skuadra portugeze, Porto.

Lajmi është konfirmuar nga faqja zyrtare e Real Madridit.

“Real Madrid dhe Porto kanë arritur marrëveshje për transferimin e Iker Casillasit”, shkruhej në faqen zyrtare të Realit.

“Casillas do të mbetet referencë për ne, portieri më i mirë në histori të skuadrës dhe i përfaqësueses së Spanjës. Ju do t’i takoni gjithmonë zemrës së Real Madridit”.