Madrid, 17 mars - Real Madridi thuhet se ka arritur marrëveshje për transferimin e portierit argjentinas, Augusto Batalla, përcjell \"Football Espana\" të hënën.

Lojtari i ri i River Plates do t\'i bashkohet skuadrës madrilene në formë huazimi në verë me opsion për ta blerë më pas.

\"Kontrata ende nuk është firmosur, por në qershor lojtari do t\'i bashkohet Real Madridit për një vit me opsion për ta blerë për një shumë mjaft të madhe\", ka thënë presidenti i River Plates, Rodolfo D\'Onofrio. Batalla 18-vjeçar është pjesë e U-20 të Argjentinës.