Madrid, 10 dhjetor - Real Madridi po kalon momente magjike. Skuadra e Carlo Ancelottit e mposhti sonte ekipin Ludogorets, me rezultat të thellë, 4:0, duke e thyer një rekord që ishte jashtëzakonisht e vështirë të thyhej në Spanjë.

Kampioni evropian arriti në kuotën e 19 fitoreve radhazi në të gjitha kompeticionet, duke e thyer rekordin e Barcelonës së jashtëtokësorëve, e cila në sezonin 2005-06, nën drejtimin e trajnerit Frank Rijkaard, kishte regjistruar plot 18 fitore rresht.