Madrid, 11 mars - Real Madridi 25 milionë euro për MoratanSkuadra e Real Madridit i ka vënë çmimin sulmuesit të ri, Alvaro Morata.

Skuadrat e interesuara në shërbimet e tij duhet të paguajnë 25 milionë euro dëmshpërblim nëse duan ta transferojnë Moratan në fund të këtij edicioni, shkruan të hënën “Marca”.

Morata 21-vjeçar, këtë edicion po shkëlqen te Real Madridi dhe tashmë shumë skuadra kanë shprehur interesim për shërbimet e tij.

“Morata do të kushtojë 25 milionë euro dhe tashmë të gjitha ekipet i kemi njoftuar për dëmshpërblimin e tij”, ka thënë një zyrtar i Realit në kushte anonimiteti.

Interesim për transferimin e Moratas kanë treguar Liverpooli, Tottenhami, Arsenali dhe Interi.