Madrid, 31 mars - Pas deklaratës së trajnerit të Liverpool-it, Brendan Rodgers se Luis Suarez vlen sa Cristiano Ronaldo dhe Lionel Messi, madje duke përmendur edhe shifrën 100 milionë Stërlina, afërisht 120 milionë Euro, vjen një sinjal domethënës nga kryeqyteti spanjoll.

Sipas mediave britanike, drejtuesit e “Los Blancos” janë gati të ofrojnë 85 milionë Euro plus kartonin e Coentraos ose të Iscos për uruguajanin, por kjo ofertë konsiderohet e pamjaftueshme nga Liverpool, që nga ana tjetër kërkon t’u rrëmbejë madrilenëve Marcelon.

Për të siguruar shërbimet e mbrojtësit brazilian, të kuqtë janë gati të shpenzojnë 30 milionë Euro.