Madrid, 11 tetor - Real Madridi është skuadra e fundit që ka shprehur interesim për shërbimet e mesfushorit të Manchester Unitedit, kosovarin Adnan Januzaj, shkruan të enjten kanali belg \'\'Voetbalnieuws\'\'.

Bëhet e ditur se Reali ka përgatitur ofertën për Januzajn dhe synon të arrijë marrëveshje me lojtarin në fund të këtij viti.

Januzaj, 18-vjeçar, ka kontratë me United deri në fund të këtij edicioni, por ende nuk ka vendosur për rinovimin e kontratës që tashmë i është ofruar nga klubi anglez.

Ai këtë edicion ka treguar lojëra të mira dhe ka shënuar dy gola në tri paraqitje në Premier League.

Krahas Real Madridit, interesim për transferimin e Januzajt kanë treguar edhe skuadrat e tjera të mëdha të Evropës, si Barcelona, Juventus, Bayern Munich e Manchester City.