Madrid, 27 shtator - Gazetari sportiv spanjoll François Gallardo ka rrëfyer një histori eksluzive në lidhje me sulmuesin kroat të Bayern Munchen, Mario Mandzukiç në një emisionin televiziv të "Punto Pelota".

Real Madrid kërkon të sjellë në "Santiago Bernabeu" numrin 9 bavarez verën e ardhshme dhe pritet të ofrojë 35-40 milionë euro për kartonin e tij.

"Pak rëndësi ka se çfarë ndodh në janar, lista e blerjeve e Realit për sezonin tjetër përfshin edhe Mario Mandzukiç", ka thënë Gallardo, i cili të njëjtën gjë ka thënë edhe për Gareth Bale muaj më parë dhe rezultoi i saktë.

Kontrata e sulmuesit kroat me Bayern Munchen skadon në vitin 2016 por afrimi i mundshëm i Robert Lewandowskit në janar do ta ulte në stol ndaj dhe një mundësi e artë si Real Madrid vështirë të refuzohet.