Paris, 7 shkurt - Paris Saint-Germain (PSG) raportohet se është duke përgatitur një ofertë të majme për Angel di Marian e Manchester Unitedit dhe për këtë klubi francez do të shesë sulmuesit kryesorë.

Që të jetë çdo gjë në rregull me Fair-Play financiar, kampioni francez do të shesë sulmuesit Edinson Cavani dhe Ezequiel Lavezzin dhe t’i hapnin rrugë transferimit të anësorit argjentinas.

Cavani dhe Lavezzi nuk janë të lumtur me klubin pasi menaxheri Laurent Blanc i dënoi me të holla për sjellje jo profesionale, shkruan sot “Daily Star”.

Di Maria edhe më parë ishte i lidhur me një transferim te PSG-ja, por vendosi që të transferohej në Old Trafford shkaku i rregullave të FFP-së.

Argjentinasi u transferua te “Djajtë e Kuqë” për 60 milionë funte.