Bernë, 27 maj - Policia zviceriane ka arrestuar disa zyrtarë të FIFA-s, organizmit drejtues të futbollit botëror, me akuzën për korrupsion.

Sipas BBC, policia i arrestoi këta zyrtarë pas një operacioni në një hotel të Zyrihut, në orët e para të së mërkurës. Ata akuzohen për pastrim parash dhe shantazh në 20 vitet e fundit.

Mendohet se personat e arrestuar janë gjashtë, por emrat e tyre nuk janë bërë të ditur.

Sipas ‘New York Times’, ata do të ekstradohen në Shtetet e Bashkuara të Amerikës.