Prishtinë, 11 qershor - Andrea Pirlo e ka vazhduar kontratën me Juventusin edhe për dy vite të tjera.

Kontrata e re e detyron mesfushorin të qëndrojë te Bianconerët deri më 30 qershor 2016, thuhet në faqen zyrtare të klubit.

34-vjeçari kaloi te Zonja e Vjetër në vitin 2011 nga Milani dhe që atëherë është bërë njeriu kryesor i skuadrës.

Në tri sezonet me Juven, ai ka fituar tre tituj radhazi të kampionatit italian.