Barcelonë, 13 shkurt - Gerard Pique ka shuar spekulimet për një largim të mundshëm nga Barcelona duke thënë se planifikon të pensionohet në Camp Nou.

Qendërmbrojtësi spanjoll u rikthye në Barcelonë nga Manchester Unitedi në vitin 2004 ku qëndroi për katër vjet para se të rikthehej në klubin e fëmijërisë.

“E dua këtë profesion çdo herë e më shumë dhe do të më pëlqente të vazhdoja të luaja futboll”, ka thënë Pique.

“Me siguri e them se planifikoj të pensionohem këtu në Barça, qoftë në fund të këtij sezoni apo pas gjashtë vjetëve. Nuk do të luaj për ndonjë klub tjetër”.

Pique këtë sezon ka realizuar 24 paraqitje për Barcelonën në të gjitha garat.