Londër, 20 nëntor - Portieri i Chelseas, Petr Cech do të transferohet në Arsenal gjatë afatit kalimtar të janarit në marrëveshje me vlerë prej 9 milionë euro.

Petr Cech është i gatshëm të largohet nga Chelsea. Dhe, sipas tabloidit britanik “Daily Star”, ai ka arritur marrëveshje për t’ju bashkuar rivalit londinez, Arsenal.

Skuadra e menaxherit Arsene Wenger është e gatshme të paguajë 9 milionë euro për transferimin e reprezentuesit të Republikës Çeke, pas rihapjes së afatit kalimtar të verës.

Cech erdhi në Chelsea më 2004 dhe ishte titullar i pazëvendësueshëm për një kohë të gjatë deri tek ky edicion kur porta i është dorëzuar të rikthyerit në klub nga periudha e huazimit në Atletico Madrid, Thibaut Courtois.