Madrid, 30 nëntor - Presidenti i Real Madrid Florentino Perez deklaroi se Cristiano Ronaldo është futbollisti më i mirë në botë dhe se është shumë i lumtur që ishte ai presidenti që e solli portugezin në Madrid në vitin 2009 duke shpenzuar 94 milionë euro për ta blerë luzitanin nga Manchester United.

\"Duam të vazhdojmë të fitojmë me futbollistin që po shënon një epokë të re te Real Madrid, eshtë një krenari të shikoj gjërat që Cristiano bën në fushë,asnjë nuk e vë në dyshim sot që Ronaldo është futbollisti më i mirë në botë,dhe një nga më të mirët e të gjitha kohërave\", është shprehur numri një i Realit.

Më pas presidenti foli për blerjen më të shtrenjtë të historisë së futbollit ish lojtarin e Totenham-it Uellsianin Gareth Bale: \"Kemi sjellë në Madrid futbollistin më të mirë të kampionatit anglez. Bale shumë shpejt do u tregojë të gjithëve se është një nga futbollistët më të mirë në botë\".

\"Ideja jonë është të sjellim te Reali futbollistët më të mirë në botë, lojtarët më të mirë spanjollë por gjithashtu tu japim mundësi edhe futbollistëve të akademisë, shembulli është ky; Bale, illarramendi, Casemiro, Nacho, Carvajal, Jese etj, të cilët plotësojnë një projekt që po na jep frytet e para2, u shpreh Perez përsa i përket modelit të klubit.

Perez gjithashtu u pyet edhe për Ancelottin: \"Ancelotti, është një teknik i madh dhe një fitues i lindur, ka qenë fitues në Itali, Angli dhe Francë dhe ka provojën dhë kapacitetin e duhur për të drejtuar skuadrën tonë me ndihmën e pashtershme të Zidane-s tonë të madh\".

Real Madrid sipas presidentit Florentino Perez është klubi më i madh në botë në këto 111 vite histori të tij si dhë klubi me vlerën më të madhe në treg që sipas revistës Forbes \"Los Blancos\" kapin vlerën e 3.4 miliarde dollarëve.