Rio de Zhanerio, 13 shtator - Legjenda e Brazilit, Pele, thotë se përfaqësuesja e vendit të tij nuk duhet të varet shumë nga i riu Neymar.

Sulmuesi e ka shndërruar veten në një lojtar kyç te Selecao, pasi shënoi katër gola dhe bëri katër asistime gjatë Kupës së Konfederatave më herët gjatë verës, dhe shënoi në të dyja miqësoret kundër Australisë dhe Portugalisë.

“Neymar është një lojtar i jashtëzakonshëm dhe ai është i një rëndësie fundamentale për skuadrën. Megjithatë, ne nuk mund të varemi shumë nga ai”, ka thënë 72-vjeçari.