Londër, 27 shtator - Mesut Ozil, gjatë një bashkëbisedimi me tifozët e Arsenalit në llogarinë e tij në rrjetin social Twitter, ka thënë se mes yllit të Barcelonës Lionel Messit dhe atij të Real Madrid Cristiano Ronaldos do të zgjidhte portugezin pasi \"është futbollisti më i kompletuar në Botë\".

Ish-mesfushori i madrilenëve, tashmë pjesë e Premier League me \"Topçinjtë\", ka deklaruar se përveç Cristianos, lojtari më i mirë me të cilin ka luajtur është mbrojtësi Sergio Ramos: \"Për mua, ai është lojtari total\".

Në lidhje me përshtatjen tek Arsenali, turku me nënshtetësi gjermane theksoi se mundohet të kalojë sa më shumë kohë në Londër me miqtë dhe familjen e tij.