Dortmund, 21 tetor - Tekniku i Borussia Dortmundit Jurgen Klopp beson se pas arritjes së Mesut Ozilit, skuadra e Arsenalit ka më shumë shanse për fituar titullin e kampionit në Premierligë.

“Ozil e ka ngritur nivelin e Arsenalit. Aftësitë e tij taktike në futbollin ofanziv janë perfekte dhe kjo është arsyeja se përse e deshi Wengeri në ekip. Ai dëshiron lojtar të qetë dhe me teknikë të mirë.\"

\"Ozil është perfekt me shpejtësinë dhe teknikën e tij. Lojtarët e rinj, së bashku me eksperiencën e dy sezoneve të fundit, mund ta ndihmojnë Arsenalin të bëhet kampion.\"

\"Arsenali ka ekip dhe trajner mjaft të mirë, kështu që për mua, ata janë favoritë për titull” ka thënë Klopp për tabloidin britanik The Sun.

‘Topçinjtë’ udhëheqin në kampionatin anglez pas tetë xhirosh të zhvilluara. Ylli gjerman me prejardhje turke ka dhënë kontribut të madh dhe ka qenë faktor i rëndësishëm në këtë sukses, në fillim të sezonit.