Londër, 9 janar - Mesut Ozil është rikthyer në stërvitje të plotë dhe është i gatshëm për ndeshjen që Arsenali e zhvillon kundër Stoke Cityt të dielën.

Mesfushori gjerman ka munguar që nga muaji tetor i vitit të kaluar shkaku i lëndimit të gjurit, por Wenger ka konfirmuar se Ozil do të jetë i gatshëm për të dielën.

“Aaron Ramsey, Ozil dhe Mathieu Flamini janë rikthyer në stërvitje. Welbeck nuk është i gatshëm. Giroud është rikthyer nga suspendimi”, ka thënë Wenger.

Pasi konfirmoi se Ozil është i gatshëm, trajneri francez nuk bëri me dije nëse do të fillojë takimin nga minuta e parë.

“A do të fillojë nga minuta e parë? Ende nuk kam vendosur”.