Gjenevë, 24 maj –   Shqiptarët nga mbarë Evropa do të udhëtojnë të dielën drejt Zvicrës, për ta ndjekur nga afër miqësoren ndërmjet Kosovës dhe Senegalit.

Tifozët shqiptarë nga diaspora po e presin me padurim miqësoren ndërmjet Përfaqësueses së Kosovës dhe asaj të Senegalit, e cila do të zhvillohet në fundjavë.
Për ta bërë sa më madhështore këtë ndeshje, organizatorët janë duke i përgatitur 15 mijë flamuj të Kosovës, të cilët do të valëviten gjatë ndeshjes me ekipin afrikan.